Magbologtong, Beboso hawod sa Mano Amon Run

CEBU, Philippines – Sila si Jeboy Magbologtong ug Michelle Beboso maoy nanghawod sa  37th Halad Kang Mano Amon Run kagahapon didto sa Danao City Hall grounds.

Si Magbologtong naghari sa 12K men’s open human niya gitapos ang lumba sud sa 49 minutos ug 52 segundos. Sila si Robert Daang (49:59) ug James Roy Roble (51:14) miokupar sa ikaduha ug ikatulong dapit.

Sa women’s class, si Beboso mao sab ang labing paspas  sa oras nga 1:06:51. Iyang gipilde  silang Aurber Lusanta nga mioras og 1:14:23. Si Leste Alerta  mipwesto sa ikatulong dapit  sa oras nga 1:18:35.

Sa 6K Danao residents, si Harold Guiao maoy naghari sa men’s class sa oras nga 22:13. Si Richtyl Magbologtong (23:55) ug si Jelly Genombaga (24:55)  maoy mipuwesto sa mosunod nga duha ka dapit.

Sa Margie Ceniza maoy nanghawod sa women’s class sa oras nga 21:48, samtang sila si Jovelyn Roca (33:30) ug April Joy Batoto (36:29) mipahiluna sa ikaduha ug ikatulo nga dapit.

Sila si   Clienmark Antolijao  (13:32 ) ug Jessa Devido (17:02) maoy nanghawod sa 3K Danao residents category. (BANAT NEWS)