Cyrus kampiyon sa Dayon Christmas League 2015

CEBU, Philippines – Dili hikalimtan nga pinaskohan ang nadawat sa team Cyrus human modaog batok sa Allan K. Enterprises, 81-67  sa knockout  finals  sa  Dayon Basketball Club Christmas League 2015 niadtong Domingo didto sa Sacred Heart School old campus gym sa Gen. Maxilom Ave., Cebu City.

Wala gyud mokompiyansa ang Cyrus ni team manager JR Sta. Rita aron segurado nga maangkon ang korona.

Mibanat dayon ang Cyrus nga maoy gihimo nilang puhonan aron makapundo og double digits nga bentaha ubos sa liderato ni Jared Cabreros, kinsa miratsada’g 14 puntos.

Si Nonoy Hipos mao sab ang bugtong nakaiskor  og double figures alang sa Allan K. Enterprises  nga mihipos og 13 puntos.

Sa pasiunang duwa, ang Royal Majesty mipilde sa Cebu Wetland Resort, 66-59 aron mopahiluna sa ikatulong dapit.

Tulo ka players sa Royal Majesty ang miiskor og double figures sa pagpangulo ni Christian Devillares pinaagi sa iyang 19 puntos.

Samtang sila si Kenken Cabahug ug  Christopher Isabelo mao sab ang migiya sa Cebu Wetland Resort nga parehong misansan og 13 puntos.

Ang liga nagmalampuson tungod sa paningkamot sa ilang maabtikon ug aktibong presidente sa Dayon ballclub nga si Allan Abella inabagan ni Jepo Abella ug ingon man sa suporta sa tanang miyembro sa maong kahugpongan. (BANAT NEWS)

PUNTOS MATAG USA

Unang duwa:

(For third)

Royal Majesty (66) – Devillares 19, Cuyos 17, Masbate 10, Tumanak 7, Ambrad 6, Tablason 5, Talaugon 2.

Cebu Wetland Resort (59) –  Cabahug 13, C. Isabelo 13, Sampang 7, E. Esabelo 7, Cardeno 5, Roden 5, Villarba 4, Bakil 3, Ybañez 2.

Ikaduhang duwa:

(Championship)

Cyrus (81) – Cabreros 14, Oliver 9, Molina 8, Canada 8, Barrida 7, Sta. Rita 6, J. Abella 5, Estrella 5, T. Cebes 4, A. Traya 4, Varona 4, B. Cebes 3, Salve 2, De Guzman 2.

Allan K. Enterprises (67) – Hipos 13, Vanex 9, Galon 8, Iligan 6, Louis 6, Casas 5, Vanex 5,Quijano  4, Ericka 3, A. Abella 2, Limana 2, Bodols 2,  Donayre 2.