James, Love nangu sa Cavs

CEBU, Philippines - Mikadlit og 24 puntos si LeBron James ug milangkat og pito ka rebounds, samtang si Kevin Love midugang og 20 puntos  uban sa walo ka rebounds aron pangulohan ang Cleveland

Cavaliers nga modaog batok sa Boston Celtics, 89-77 sa duwa nila sa NBA kagahapon didto sa

TD Garden sa Boston, Massachusetts.

Sa maong kadaugan, ang Cavs mihimo og best record sa Eastern Conference sa ilang

16-7 nga baraha.

Si Avery Bradley maoy nangu sa Celtics pinaagi  sa iyang 17 puntos.

Ang Celtics nga midailos ngadto sa ikapitong puwesto sa East sa ilang  14-11, nagsugod

og gukod human mohimo'g 12-0 run ang Cavaliers didto sa third quarter nga naglakip sa usa ka

maanindot kaayong reverse slam dunk ni James.

Sa hapit na pagbalik og duwa ni Kyrie Irving, kinsa napiang niadtong Hunyo atol sa

NBA Finals, nagkaduol na sab ang Cavs nga maulian sa ilang porma.

Didto sa Minneapolis,   sila si Kenneth Faried ug ang reserve guard nga si Randy Foye

parehong mibahog og 19 puntos alang sa Denver Nuggets nga midaog batok sa Minnesota

Timberwolves, 112-100.

Silang  Danilo Gallinari ug Will Barton pareho sab nga miamot og 14 puntos  alang sa

Nuggets, kinsa nag-igo og maayo gikan sa 3-point range.

Si Andrew Wiggins maoy nangu sa Minnesota sa iyang 23 puntos, gisundan ni   Zach

LaVine nga adunay 20 puntos, ang rookie nga si Karl-Anthony Towns   miamot og 18 puntos.

Sa laing duwa, ang Sacramento Kings midaog sa Houston Rockets, 107-97 ug ang Los

Angeles Lakers milubong sa Milwaukee Bucks, 113-95. (BANAT NEWS)