PLDT bumubuo ng dynasty?
Coach Roger Gorayeb pinabulaanan naman ito
MANILA, Philippines – Unti-unting bumubuo ng dinastiya ang PLDT Home Ultera matapos masungkit ang kampeonato sa Shakey’s V-League Season 12-Reinforced Conference na ang kanilang ikalawang titulo sa taong ito.
Pinasuko ng PLDT ang Army sa kanilang best-of-three championship series kung saan kinuha ng Ultrafast Hitters ang 16-25, 20-25, 26-24, 29-27, 18-16 panalo sa Game One kasunod ang 25-21, 25-22, 22-25, 25-21 tagumpay sa Game Two laban sa Lady Troopers.
Sa kabila ng tinatamasang tagumpay, ayaw ni PLDT head coach Roger Gorayeb na tawagin itong dinastiya dahil nakasentro lamang ang kanilang atensyon sa kung paano tatalunin ang bawat koponang kanilang hinaharap.
“I’m more concerned in finding ways to beat them whenever we face them. Army is always a tough opponent. They will always make sure that every game we played them would be tougher than before,” pahayag ni Gorayeb. “So forget about dynasty.”
Unang namuo ang mainit na sagupaan ng PLDT at Army sa Open Conference kung saan biniktima ng Ultrafast Hitters Lady Troopers sa kanilang finals showdown para makuha ang korona.
“Ours have become a rivalry. Don’t mistake it for bad blood because we don’t feel that way, but it’s really intense whenever we play them. But I think it’s good for the league, good for the fans,” dagdag ni Gorayeb.
Sa ngayon, nais muna ni Gorayeb na namnamin ng kanyang bataan ang sariwang pagkapanalo bago sumabak sa panibagong bakbakan.
Ilan sa mga manlalaro ng PLDT ay sasabak sa UAAP Season 78 volleyball tournament sa pangunguna ni two-time UAAP Most Valuable Player Alyssa Valdez ng Ateneo de Manila University.
“Rest for some, back to college for others,” wika ni Gorayeb sa kanyang mga players.
- Latest
