Duke Espina kampiyon sa SRBC open

CEBU, Philippines – Nasakmit sa Duke Espina team ang titulo sa SRBC Open basketball tournament human ilang gilubong ang UC Aguilas sa iskor, 80-42 kaniadtong Huwebes, Disyembre 3 atol sa knockout finals didto sa San Roque gym, ning dakbayan.

Sa sayo pa, midaog ang Alaska team ni Michael Sumayang batok sa DTI ni playing coach Rommel Diapera aron sakmiton ang ikatulong pwesto.

Si  Arjie Villaver maoy nangu sa Duke Espina sa iyang 18 puntos samtang midugang og 12 puntos ang kanhi point guard sa CIT-U nga  si Axel Rabaya ug may 11 puntos si James Ferraren.

Bugtong si Chris dela Rama lang maoy nakahimo'g double figures sa UC Aguilas pinaagi sa iyang 16 puntos.

Ang presidente sa SRBC nga si Ryan Ramas maoy mipasiugda sa maong torneyo ug siya sab ang mitunol sa championship trophy ngadto sa Duke Espina.

Ang maong torneyo, gipaluyohan nilang Engr. Bobong Basamot, Engr. Norman de Mar ug Emma Guidayawan.

Ang mga major sponsors mao silang San Roque barangay captain Cyrus Lindog ug barangay konsehal Jimmy Alcantara.

Puntos matag usa:

Duke Espina (80) — Villaver 16, Rabaya 12, Ferraren 11, Estudillo 8, Rosaroso 6, Sales 5, Camingay 5, Barnuevo 4, Villamor 4, Espina 2, Lolor 2, Villamor 2, Arong 1.

UC Aguilas (42) — Dela Rama 16, Noval 7, Marata 4, Aguilar 4, Prescillas 4, Palomarco 3, Ybanez 2, Dacera 1, Pamonag 1. (BANAT NEWS)