Mayor’s Cup bootfest mosikad karon

CEBU, Philippines - Miabot ngadto sa 130 ka teams gikan sa nagkadaiyang tunghaan ug clubs dinhi sa Sugbo ang mopakita’g aksiyon sa Mayor’s Cup Football Festival nga mosikad na karong adlawa diha sa Cebu City Sports Center.

Ang duha ka adlaw nga torneyo naglangkob og 11 ka kategoriya, apil na niini ang tulo ka mixed category sa under 7, 9 ug 11.

Banatan sa boys division mao ang under 13, 15, 18, men’s open ug 38-above, samtang sa girls class mao ang under 15 ug 18 ug ladies open.

Ang mga duwa nga gitakda karon ubos sa boys under 13 ug boys ug girls 15 ug 18. Ang nahabilin kumbatihan ugmang adlawa.

Ang maong kalihukan gipasiugdahan nilang Jerry Guardo ug Edu Rama inabagan sa Leylam, BRO Nationals, Jayan’s Catering,  EC Graphic Printing  Services ug Phil Royal Knights Security Agency.