Gilbuena, Olmilla mipuwesto sa ikatulo sa Powerman Duathlon
CEBU, Philippines – Ang Cebuana veteran runner nga si Miscelle Gilbuena ug ex-boxer nga si Joland Olmilla parehong mipuwesto sa ikatulong dapit sa tagsa-tagsa nila ka dibisyon sa Powerman Duathlon Pilipinas didto sa Balanga, Bataan.
Mga elite duathletes sa nasud ug gikan sa abroad ang misalmot sa lumba, apan ang duha ka pambato sa Sugbo nakahimo gihapon sa pagpahiluna sa ikatulo nga dapit.
Ang kanhi Southwestern University runner nga si Gilbuena mipuwesto sa ikatulong dapit sa elite category sa oras nga 3:34.14. Iyang gisundan silang triathlete Monica Torres ug Airi Sawada. Ang Cebuana nipilde sa mas taas og kasinatian sa triathlon nga sila si Mirasol Abad, Joyette Jopson ug Rowena Valdez.
Sa iyang bahin, ang taga-Mandaue nga si Olmilla kinsa kanhi amateur boxer sa ALA Boxing Gym, mipakita nga angayan siya nga malakip sa national duathlon training pool dihang nalandig siya sa ikatulo sa oras nga 1:40.24 sa 20-24 class. (BANAT NEWS)
- Latest
