UC, Unit 7 nidominar sa Cebu City Olympics

CEBU, Philippines – Gipamatud-an sa University of Cebu (UC) nga sila ang labing dominanteng multi-sports event team dihang giangkon nila ang titulo sa secondary division, samtang ang Unit 7 milangkat sa elementary title sa 25th Cebu City Olympics nga natapos sa miaging adlaw didto sa Cebu City Sports Center.

Ang UC mipalagpot sa kanhi kampiyon   University of San Carlos (USC) pinaagi sa ilang 50 ka gold, 37 ka silvers ug 24 ka bronze medals.

Kini ang pagbalik sa UC sa kampiyonato sa City Olympics dihang nahanaw kini kanila niadtong tuig 2013 ug 2014.

Ang USC anaa sa ikaduhang dapit sa ilang 39 gold, 45 silver ug 38 bronze medals, samtang ang Abellana National School (ANS) nga mirepresentar sa Unit 9 mitapos sa ilang kampanya  uban  16-13-6 medal tally.

Ikaupat ang University of the Visayas nga adunay 16-13-6, samtang ang Unit 6   sa ikalimang dapit sa ilang 13-7-12.

Sa labing unang higayon, ang DepEd Cebu City nakahukom nga modeklarar og duha managlahing kampiyon sa secondary nga mao ang UC sa CESAFI class ug ANS sa public schools category. (BANAT NEWS)