Team Allan mipukan sa Team Charlie sa dayon Christmas League 2015
CEBU, Philippines – Nakaeskapo ang team Allan uban ang 64-62 nga kadaugan batok sa team Charlie sa Dayon Basketball Club Christmas League 2015 niadtong Domingo didto sa Sacred Heart School old campus gym sa Gen. Maxilom Ave., Cebu City.
Miposa’g 18 puntos si Boy Quijano aron pangulohan ang team Allan, samtang si Allan Abella mitikdol og 10 puntos.
Sila si Gines ug Lood mirehistro sab og double figures alang sa team Charlie sa ilang 15 ug 11 puntos matag usa.
Sa laing duwa, ang team Cyrus mirehistro sa ilang ikaduhang daog pinaagi sa paglubong sa Boardwalk sa iskor nga 68-53.
Tulo ka players sa team Cyrus ang mihimo’g double figures, samtang usa lang sa habig sa Boardwalk.
Nakaipsot sab ang Aspa batok sa Tony Go Boston, 67-65.
Si Inting Reyes mikamada og 14 puntos aron mangu sa opensa sa Aspa, gisundan ni Arnold Quilaton nga mitampo’g 12 puntos.
Duha sab ka players ang mikutlo’g double digits alang sa Tony Go Boston.
Ang Aspa ug Boston parehong nagbitbit og 1-1 nga baraha ning maong torneyo nga gipasiugdahan sa aktibong presidente sa Dayon ballclub nga si Allan Abella, inabagan sa tanang miyembro.
Puntos Matag Usa
Unang duwa:
ALLAN (64) – Quijano 18, Abella 10, Hipos 9, Ariola 6, Cuizon 5, Gallon 4, Verano 4, Casas 2, Eligfin 2, Limana 2, Araolo 2.
CHARLIE (62) – Gines 15, Lood 11, Saguindel 7, Padilla 6, Caballero 5, Dabalat 2, Monteros 2, Ando 2, Tan 2, De Dios 2.
Ikaduhang duwa:
CYRUS (68) – Barrida 14, Regie 12, Oliver 10, J. Abella 8, Salve 5, Bobby 5, Varona 4, De Guzman 3, Santarita 3, Canada 2, Takay 2.
BOARDWALK (53) – Ando 12, Luzon 9, Monsit 8, Veligaño 6, Elarcosa 5, Robs, 4, Mondero 4, Dela Peña 3, Pedalino 2.
Ikatulong duwa:
ASPA (67) – Reyes 14, Quilaton 12, Jumuad 10, Johnny 9, Jayme 8, Castañeda 6, Delina 4, Ducay 2, Alvarez 2.
TONY GO BOSTON (65) – Estrera 15, Miñoza 10, Tambolero 9, Ferrer 6, Alberto 5, Jay-R 4, Bueno 4, Prudencio 3, Galo 3, Boston 2, Abella 2, Lopez 2. (BANAT NEWS)
- Latest
