Texters tinuhog ang Hotshots sa Lucena
Laro Ngayon (Philsports Arena, Pasig City)
3 p.m. Barako Bull vs Meralco
5:15 p.m. San Miguel vs Ginebra
MANILA, Philippines – Muling sinandigan ng Talk ‘N Text si star guard Jayson Castro nang mangailangan ng mahahalagang basket sa huling minuto ng laro.
Kumamada si Castro ng game-high na 33 points, habang nagdagdag ng 10 si Larry Fonacier para ihatid ang Tropang Texters sa 91-86 panalo laban sa Star Hotshots sa 2015 PBA Philippine Cup kagabi sa Quezon Convention Center sa Lucena.
Ito ang ikatlong sunod na panalo ng Talk ‘N Text para sa kanilang 3-1 record katabla ang nagdedepensang San Miguel, Rain or Shine at Alaska.
Ang three-point shot ni Castro ang nagbigay sa Tropang Texters ng 77-73 abante sa 5:25 minuto ng fourth quarter bago nakadikit ang Hotshots sa 82-83 agwat mula sa basket ni Ian Sangalang sa huling 1:26 minuto.
Ang tres ni Castro kasunod ang fastbreak layup mula sa kanyang steal ang muling naglayo sa Talk ‘N Text sa 88-82 sa natitirang 39.9 segundo.
Talk ‘N Text 91 - Castro 33, Fonacier 10, Reyes 9, Rosario 9, Roser 9, Tautuaa 8, Carey 4, Seigle 4, Miranda 3, Aban 2.
Star 86 - Melton 25, Pingris 17, Simon 11, Barroca 10, Yap 9, Sangalang 6, Mallari 5, Torres 2, Pascual 1, Taha 0, Maliksi 0.
Quarterscores: 26-25; 52-44; 70-62; 91-86.
- Latest
