Beermen, Painters ilog sa liderato

CEBU, Philippines – Duha ka wa’y pildeng koponan ang magbinuk-anay sa baraha alang sa solong liderato sa 2015 PBA Philippine Cup karong gabii didto sa Mall of Asia Arena.

Ang defending champion  San Miguel Beermen ug Rain or Shine Elasto Painters nga pulos adunay 3-0 record magsangka sa alas-7 sa gabii, human  sa duwa tali sa Meralco Bolts ug Blackwater Elite.

Sakto sa pahuway ang duha ka powerhouse teams tungod sa duha ka adlaw nga bakasyon hinungdan nga usa ka dakung gubat   ang gilauman ilabi na nga pulos sila nagtinguha og perpektong rekord.

Maisip nga inilog karon ang Beermen ni coach Leo Austria  tungod kay sa tulo nila ka daog  pulos sila naglabaw og double digits, ang labing uwahi  batok Meralco sa iskor nga 101-85.

Ang mga bigmen sa Painters sama nila ni JR Quinahan, Jewel Ponferada ug Beau Belga mag-atubang og lisud nga hagit sa pagdepensa ni reigning MVP Junemar Fajardo.

Gawas ni Fajardo laing mga saligan sa Beermen mao sila si Arwind Santos, Alex Cabagnot ug Marcio Lassiter, kinsa padayong mipakita sa iyang maayong performance bisan og bag-o pa lang siya kabalik og duwa tungod sa injury. (BANAT NEWS)