Canillas midaog pinaagi sa puntos
CEBU, Philippines – Mitubag sa usa sa labing dakung hagit sa iyang karera si ALA Boxing Gym fighter Arjan ‘Spartan’ Canillas (12-0, 9KOs) human niya gipilde pinaagi sa unanimous decision ang veteran nga si Rey Labao (27-7, 18KOs) niadtong miaging gabii didto sa Danao Civic Center sa Danao City.
Nakasugakod pagbarug si Canillas human siya mapatumba ni Labao sa second round ug gikan didto siya na mao ang midekta sa away gamit iyang kombinasyon aron lupigon sa puntos si Labao.
Human sa 10 rounds nga binukbukay, ang mga hurado miiskor og 98-91, 97-92 ug 96-93 tanan pabor ni Canillas.
Sa supporting bouts, si Vicente Casido nakigtabla ni Boyce Sultan, susama usab ang resulta sa sangka nila ni Raul Yu ug Richard Sueno nga nagtabla sa ilang six rounder bout, samtang si Victor Vitor mi-KO sa second round ni Robert Awetin. (BANAT NEWS)
- Latest
