‘Digitab’ triathlon sa naga sa Disyembre 19

CEBU, Philippines - Ang dakbayan sa Naga maoy mopahigayon sa katapusang triathlon event dinhi sa Sugbo ning tuiga ug pagaulohan kini’g ‘Dagitab’ karong Disyembre 19.

Ang mga organizers sa maong kalihukan naglantaw sa unahan og kulbahinam nga lumba gumikan kay ang rota mas mubo man sa naandan nga standard distance.

Sa maong makutas nga karera, ang mga partisipante magkumbati sud sa usa ka kilometro nga langoy, 20 ka kilometro nga bike ug lima ka kilometro nga dagan.

Gawas   sa  mga  hingkod nga atleta, may gitagana  sab   nga   espesyal nga kategoriya alang sa mga bata nga triathletes.

Gawas sa medalya, ang mga mananaog makadawat sab og ganting salapi.  Makadawat sab og ganti ang mahukman nga magsul-ot sa labing nindot nga costume.