Pinoy cue artists sumasargo pa
MANILA, Philippines – Nanatili sa winners’ bracket sina Dennis Orcollo, Carlo Biado at Warren Kiamco sa idinadaos na 40th US Open 9-Ball Championship sa Sheraton Waterside sa Norfold, Virginia.
Ang pumangalawa sa nakaraang edisyon na si Orcollo ay nanalo kay Pham Phuong Hong ng Vietnam, 11-1, para isunod ang pagharap kay Dang Jin-hu ng China.
Nanalo si Biado kay Brandon Shuff ng US, 11-5, habang si Kiamco ay nangibabaw sa kababayang si Francisco Felicilda, 11-9.
Sunod na katapat ni Biado si Thorsten Hohmann ng Germany habang si Kiamco ay masusukat kay Jason Klatt ng Canada.
Double-elimination ang format ng labanan at ang mga mananalo sa winner’s bracket ay may tsansa pang mapalaban sa titulo.
Si Roberto Gomez ay natalo kay 3-time defending champion Shane Van Boening, 9-11, para samahan sina Felicilda, Ramil Gallego, Jundel Mazon at Jeffrey Ignacio na talunan agad sa first round.
- Latest
