Black Tigers 2-0 na sa CHC

CEBU, Philippines – Mikulit sa ilang ikaduhang daog ang Black Tigers nga gilangkuban sa Compostela-PNP dihang nakaipsot sila batok sa Gold Eagles, 95-89 sa nagpadayon nga Compostela Hardcourt Club (CHC) kaniadtong Biyernes didto sa Compostela gym.

Sa ikaduhang higayon, si Glen Rosal lang gihapon maoy nangu sa opensa sa Black Tigers sa iyang 20 puntos samtang laing duha ka teammates ang miamot sab og double figures.

Si Alvin Castro mibahug og 25 puntos aron pangulohan ang 1-2 nga Gold Eagles ug midugang si Didit Lucero og 17 puntos.

Sa sayo pa, nakarekober ang Golden Cobras ni CHC president Rey Gala human sila mapilde sa opening day duha na ka semana ang milabay apan mikulit og 65-53 nga kadaogan batok sa Blue Marlins.

Ang Golden Cobras aduna karo'y 1-1 nga baraha samtang ang Blue Marlins nagtabla sa Gold eagles sa 1-2 nga baraha.

Ang CHC nagpasalamt sa tabang sa ilang mga table officials nga silang Engr. Nick Castro, Bombee Porlas ug Jeffel Apas.

Puntos matag usa:

First Game:

Golden Cobras (65) – Velasco 15, C. Son 11, Oposa 9, Menguito 8, Villegas 8, Porlas 4, E.Son 4, Somblingo 4, Gala 2.

Blue Marlins (53) – Tejero 21, Callano 10, Pepito 8, Lasit 6, Bernardo 4, Mahinay 2, Penaranda 2.

Second Game:

Black Tigers (95) – Rosal 20, Mejias 18, Marolina 14, Rondina 9, Respecio 9, Magallon 7, Goc-ong 5, Mojado 4, Edejer 4, Maglasang 2, Dela Cerna 2, Caacoy 1.

Gold Eagles (89) – Castro 25, Lucero 17, Getalada 9, Velasco 8, Espante 7, Rondina 7, Atok 6, Amor 6, Noval 2, Rodriguez 2. (BANAT NEWS)