CEI midaog batok sa alin sa overtime
CEBU, Philippines - Miburak og 31 puntos si Jojo Solitario, samtang si Kerker dela Cerna midugang og 21 puntos alang sa CEI Brokers nga midaog batok sa Alin Customs Brokerage pinaagi sa overtime, 91-81 sa opening match sa BOC Christmas League basketball tournament niadtong Martes didto sa Barangay Tinago gym, dakbayan sa Sugbo.
Midaog sab ang Duke-SRBC batok sa Chamber of Customs Brokers, Inc, (CCBI) sa iskor nga 98-87.
Naglabaw unta ang CEI ni Wiljun Camay, apan ang Alin mi-rally sa second half hangtod nga nakatabla kini, 75-all sa lay-up ni Julius Tarona nga maoy naghatod sa duwa ngadto sa overtime.
Sa dugang singko minutos, nabalikan sa kalagsik ang CEI pinaagi sa opensa nilang Solitario ug
Dela Cerna diin gisuportahan sila nilang Edlie Inoc, Bennick Selana ug sa managsuong Carlo ug Ronnie Bantulay.
Upat ka players sa Alin ang miiskor og double figures pinangulohan ni Tarona sa iyang 18 puntos. Si Gerry Singson miamot og 15 puntos, samtang sila si Chris Yonnel Perolino ug Ryan Villomo pulos adunay 11 puntos.
Sa laing bahin, si Axel Rabaya maoy nangu sa SRBC sa iyang 15 puntos, gisundan ni Johnrey Jacalan nga adunay 12 puntos. Sila si Rommel Diapera ug Bryan Rabaya Sr. parehong miabuno’g 10 puntos. (BANAT PALARO)
- Latest
