NU, UST umiskor sa high school volleyball

MANILA, Philippines – Sinimulan ng nagtatanggol sa titulong National Uni­versity at ng University of Santo Tomas ang second round sa pamamagitan ng mga panalo sa 78th UAAP high school volleyball tournament sa Adamson Gym.

Nagtala ang Bullpups ng 25-18, 25-21, 21-15 panalo sa De La Salle-Zobel , habang pinatumba ng Junior Tigresses ang UP Integrated School, 25-14, 25-10, 25-15.

Nagsosyo sa liderato ang NU at UST sa kanilang magmagkatulad na 6-1 record para palakasin ang tsansa sa Final Four.

Nalaglag naman ang La Salle-Zobel sa ikatlong puwesto sa kanilang 5-3 marka.

Samantala, binigo ng University of the East ang UPIS, 25-11, 25-6, 25-15, para sa kanilang 4-4 baraha kasunod ang Adamson at FEU na may magkaparehong 3-5 kartada.