Chowking ug Siam midaog

CEBU, Philippines – Parehong mikulit og daog ang Chowking-Ayala ug Team Siam sa nagpadayon nga 6th Inter-Merchant Barkadahan Basketball League (IMBBL) South Division kaniadtong Biyernes sa gabii didto sa One Osias covered court sa barangay Kasambagan, ning dakbayan.

Ang Team Siam naka-ipsot batok sa undermanned nga Geligan's sa iskor, 66-62 samtang ang Chowking-Ayala midaog batok sa Laguna Garden Cafe-Ayala sa iskor, 83-79.

Sa laing bahin, lima lang ka players sa Laguna Garden ang naka-iskor kung itandi sa Chowking nga may 11 ka players ang naka-iskor ug tulo lang kanila maoy walay puntos.

Mao pa lang kadto'y unang duwa sa Chowking (1-0) samtang ang Siam adunay 1-1 nga baraha.

May duwa sab nga gipahigayon sa North Division didto sa barangay Mabolo kagabii apan wala pa hisayri ang mga resulta niini ning pagsuwat.

Puntos matag usa:

First Game:

Team Siam (66) – Monisit 15, Marcos 12, Later 8, Nobleza 6, Del Mar 6, Abala 4, Florita 4, Obsona 2.

Geligan's (62) – Santander 20, Rodela 19, Cubela 9, Jansil 6, Pahid 4, Dinnes 4.

Second Game:

Chowking-Ayala (83) – Rama 16, Cabajar 11, Bautista 11, Garciano 10, Jakosalem 10, Zambo 9, Aquino 8, Sotto 2, Noel 2, Mefa 2.

Laguna Garden-Ayala (79) – Endrina 25, Mabatid 19, Lauron 18, Desuyo 10, Walker 5. (BANAT NEWS)