Gethsemane mipaduol na sa finals
CEBU, Philippines – Nagkahayag ang paglaum sa team Gethsemane ubos ni Grand Knights Eustaquio Seno sa ilang kampanya alang sa trono sa finals kini human nila gidemolis ang Fatima Parish-Basak Mandaue, 94-62 sa 2015 K of C Basketball Tournament niadtong Domingo didto sa Panphil Frasco Memorial Complex sa Liloan, Cebu.
Ang kadaugan nagbutang sa Gethsemane ngadto sa ikaduhang dapit sa liderato.
Si Chuck Rosal maoy nangu sa balanseng opensa sa Gethsemane nga mipatuasik og 21 puntos ug siyam ka rebounds. Laing nakahimo og maayong performance sa Gethsemane mao si James Relampagos, kinsa wala kapugngi sa ilawom aron moiskor og 18 puntos uban ang pito ka rebounds ug si Montoy Singson sa iyang 13 puntos, lakip ang tulo ka kuwarter.
Ang Gethsemane ni head coach Cesar Lee naglabaw og 11 puntos, 21-10 sa first period, apan milusad og 26-6 sa second quarter alang sa ilang 47-16 nga bentaha sa halftime.
Sukad niadto, ang Gethsemane nangangkon na og kadaugan human sab nila maprotektahi ang kapin sa 20 puntos nga labaw.
Mihulga ang Fatima Parish 7101 sa third quarter sa pagpangulo ni Brian Vincent Estay, apan misamot hinuon ang ilang kalbaryo gumikan kay ang trayanggulo nilang Rosal, Relampagos ug Singson nagpatuyang og pamupo og mga puntos.
Si Estay maoy topscorer sa Fatima Parish 7101 ni coach Boy Tarriman pinaagi sa iyang 27 puntos, samtang si Neil Marturillas miamot og 10 puntos.
Ang Gethsemane nagbitbit karon og 2-1 nga baraha, samtang ang Fatima Parish 7101 adunay 2-2 record ning maong torneyo nga kabahin sa mga kalihukan sa tinuig nga Columbus Day 2015 diin ang host council mao ang Liloan San Fernando Rey.
Gawas sa basketbol, laing mga events nga gitigian naglakip sa chess, tennis, volleyball, bowling ug ingon man parlor games.
Puntos Matag Usa
GETHSEMANE (94) – Rosal 21, Relampagos 18, Singson 13, C. Seno 7, R. Seno 6, Montesclaros 6, Pua 6, M. Seno 5, Santosidad 4, Jo. Jacalan 4, N. Seno 2, D. Seno 2.
FATIMA 7101 (62) – Estay 16, N. Marturillas 10, Tumulak 7, Madrinian 7, M. Marturillas 5, Paradiang 5, Alicaba 5, Lao 2, Casinillo 2, Rosales 2, Tubio 2. (BANAT NEWS)
- Latest
