Orcullo abante sa Round of 64

CEBU, Philippines – Duha ka Pinoy pool masters nga sila si Dennis Orcollo ug Carlo Biado ang miabante sa round of 64 sa WPA World 9-ball Championship kagahapon didto sa Qatar. Si Biado midispatsar ni Danielle Corrieri, 9-5  alang sa  ikaduhang sunod-sunod niyang daog sa Group 8, samtang si Orcollo nanghasi usab sa Group 13 diin iyang gipukan  si Hosain Sayeem sa Bangladesh, 9-6.

Laing mga Pinoy nga misulod sa sunod round mao sila si Antonio Gabica, Jeff Ignacio ug Raymund Faraon.

Si Gabica milatos ni Bangladeshi Sinha Fahim, 9-7, samtang si Ignacio midaog batok sa Canadian nga si Jason Klatt, 9-6 ug si Faraon mipukan ni Iranian nga si Pordel Mohammadali, 9-4.

Natagak dayon ang  Pinoy nga sila si Warren Kiamco, Oliver Medenilla ug Johann Chua. (BANAT NEWS)