Bayfront mipakurat sa Cebu Landmasters sa SHAABAA

CEBU, Philippines – Gipakuratan sa Bayfront Hotel Cebu ang Cebu Landmasters pinaagi sa pag-iskor og 69-67 nga kadaugan sa Division A sa 20th SHAABAA Cup basketball tournament niadtong Domingo didto sa Magis Eagles gym sa Sacred Heart School-Ateneo de Cebu sa barangay Canduman, Mandaue City. Ang Bayfront ug Landmasters pareho na karong nagbaton og 5-5 records.

Si Eldie Cabahug maoy nangu sa Bayfront sa iyang 18 puntos, samtang   silang Antonio Datan ug Raymond Basenio nagkumboya’g 26 puntos

Tulo sab ka players sa Cebu Landmasters ang mibahog og double figures nga silang Borgy dela Cruz ug Kyle Valmoria nga miposa’g 16 puntos matag  usa ug  Moncrief Rogado nga adunay 12 puntos.

Sa laing duwa, ang Gaisano Capital milubong sa Filmon Prince Medallion, 74-42.

Ang Gaisano nga adunay 6-4 nga baraha, gipangulohan ni Eman Malazarte sa iyang 14 puntos, gisundan ni  Jerry Seno nga adunay 12 puntos ug nilang Enrico Solon ug Jasper Diaz nga pulos  mihipos og 11 puntos.

Bugtong si Luis Yu lang ang nakahimo’g double figures alang sa  1-9 nga Filmon Prince Medallion  sa iyang 10 puntos.

Puntos matag usa

Unang duwa:

Bayfront Hotel Cebu (69) –  E. Cabahug 18, Dtan 14, Basenio 12, El. Cabahug 8, Gabuyan 8, Uy 5, Ong 2, Benedicto 2.

Cebu Landmasters (67) – Dela Cruz 16, Valmoria 16, Rogado 12, J. dela Cruz 7, Casenas 6, Lim 4, Tan 3, Consunji 2, Mercader 1.

Ikaduhang duwa:

Gaisano Capital (74) – Malazarte 14, Seno 12. Solon 11, Diaz 11, E. Gaisano 7, A. Araw-araw 6, Blanco 5, N. Araw-araw 4, Abbu 2, Pacheco 2.

Filmon Prince Medallion (42) – Yu 10, Gendrauli 9, Ong 6, Dy 5, Siao 4, Blanco 3, Lim 3, Amarga 2. (BANAT NEWS)