Scegames 2015 buksan karon

CEBU, Philippines – Ang gikahinaman nga Scega Multi Purpose Cooperative “Scegames 2015” basketball tournament pormal nga buksan karong adlawa diha sa Banilad Sports Complex sa A.S. Fortuna, dakbayan sa Mandaue.

Pito ka teams ang magtigi alang sa kampiyonato ug kini mao ang CIS, Aboitizland, Dunkin’  Donuts, Metaphil Inc., Linde/SIG,  AEV ug ang A2Z Co.

Mosubay sila og single round robin format diin ang  top 2 teams maoy mag-ilog sa korona, samtang ang No. 3 ug No. 4 magsangka alang sa ikatulong puwesto.

Sa dili pa ang duwa, adunay pagahimuon nga hamubong programa nga gitakda sa alas-7 sa gabii. Pagasugdan kini pinaagi sa parada sa mga partisipanteng koponan sud sa maong sports complex.

Ang  torneyo  nga  tipik sa mga kalihukan  sa 34th Founding Anniversary sa Scega Multi Purpose Cooperative karong Oktubre 11, gidumala ni league commissioner  Orlando Mondarte inabagan ni Jingjing Ermac isip committee in-charge. Gisuportahan sab kini sa Scega Board of Directors, Management and Staff. (BANAT NEWS)