Sa markang MVP ug Smart ubang PBA teams nakurat

Bisan kinsa'y imong pangutan-on dinhe sa tibuok Pilipinas nga nagsunod sa basketball ilabi na sa mga international competitions nga gisalmotan sa Pilipinas, duha lang ka marka o imprinta ang imong makita sa atungan sa ilang uniporme ug kini ang RP Team ug kung batan-on ka RP Youth ug sa likod niini ang ilang apelyido.

Gani kung naay may contest sa best of uniform dili gyud gani gihapon modaug ang Pilipinas tungod sa ka-yano ra gyud sa ilang gigamit nga tela dili parehas karon nga mag-ilog ang mga sports outfitter (Nike ug Adidas) kung kinsa kanila maoy mahimong sponsor.

Nindot gyud kaayo ang mga uniporme sa Gilas Pilipinas karong mga panahona. Makita na kini sa mga malls ug uban pang mga department stores. Usa kini ka senyales nga milambo nga gyud ang Pilipinas kay hasta uniporme e-commercialized na sama sa NBA nga himalitan sab kaayo ang mga uniporme sa mga NBA stars.

Kung dunay mga international competitions, ang uniporme sa mga NBA stars markahan lang og U.S.A. walay gibutang kung kinsay nag-sponsor AT@T ba pananglit ug wala say nakabutang nga tag-iya o team official Jerry Colangelo ba pananglit.

Walay gibutang nga ngalan sa chairman, executive director o bisan kinsa tungod kay ang Team USA iya sa Estados Unidos--ma-black American o dili.

Dili ka makakita nga adunay magpasikat kay ang mga NBA stars mismo mga sikat nang daan, Makadungog ka pa lang gani sa ilang nga ngan maka-ingon ka na "Haskang lig-ona ani. Walay katarungan nga dili ni mo-champion."

Kung inyong namatikdan karong mga panahona ilabi na gyud ang torneyo sa 37th William Jones Cup, ang uniporme sa mga players sa Gilas adunay markang Smart ubos sa dakung marka nga Gilas nga blue color ug sa likod sa ilang uniporme dunay gamay nga markang MVP nga daw dunay desinyo sa bidlisiw sa adlaw.

Kung ato kining sabton (in between the lines) daw sa giangkon ni Samahang Basketbol ng Pilipinas (SBP) chairman Manny V. Pangilinan nga iya tanang mga players nga moduwa sa Gilas bisan og kini taga Alaska, taga Purefoods, taga Rain or Shine ug taga San Miguel Beer tungod lagi sa mis-interpretation sa gisul-ob nga uniporme nga sama nga dunay usa ka tawo o usa ka kompaniya nga nanag-iya kanila.

Usa ka ekspertong sports personality sa Cebu Schools Athletic Foundation, Inc. (CESAFI) nga dili lang ilado sa basketball apan hasta sab sa iyang pagka-disciplinarian sa unibersidad diin usa siya ka dakong opisyal, misanong sa akong obserbasyon ug matod pa niya nga angayan nang wagtanong kana nga konsepto.

Kung siya maoy pabut-on, Gilas ang gamiton nga uniporme apan butangan og logo sa iyang PBA mother team-- kung pananglit si June Mar Fajardo, logo sa San Miguel ang ibutang sa wa'ng bahin sa iyang dughan diin sa ubos niana mao ang atong kasing-kasing nga nagpasabot nga gihigugma man tuod nila ang atong nasud apan ila sab higugmaon ang team nga naghatag kanila'g pagkaon sa lamesa ug kaharuhay sa ilang pamilya.

Dili ba mao man kanay gamiton matag adunay PBA All-Star Game? O bisan gani sa NBA All Star Game nga hatagan og credit ang mother team kay ilang salapi ang gisweldo sa maong player.

Husto ang akong higala nga "unfair" sa mga PBA players nga pugson pagpaduwa nga dili 100 percent ang ilang ikahatag nga serbisyo ug labi pang unfair kay kung simbako madisgrasya ang maong player, dili man ang Gilas maoy mogasto kun dili ang iyang gyu'ng mother team maoy mokuot sa iyang bulsa ug igo lang mangawot sa ulo.

Duna sila'y waiver nga gipirmahan nga nagtugot sa ilang mother teams nga huwaman sa national team apan wala sa waiver nga gastoan sa Gilas ang bisan unsang matang sa injury.

Sa lintunganay ning maong sugilanon, nangluod ang ubang mga PBA teams tungod kay sa ilang tan-aw highly-commercialized" kaayo ang Gilas karong mga panahona. Usa man tuod kini pa positibong senyales nga milambo ang atong basketball apan kung dunay self interest nga malambigit, dayag na lang dili malipay ang ubang mga PBA teams.

Naghisgot man gyud kita'g Gilas, dili nato palabyon kining higayona sa pag-pahalipay kanila didto sa Jones Cup ilabi na kay ilang gipilde ang U.S.A nga usa ka powerhouse sa basketball  ug powerhouse sa tanang departamento ug dili malalis maoy labing gamhanan nga nasud sa tibuok kalibotan.

MISCELLANEOUS. The elimination round for the juniors division of the ongoing 15th season of the Cebu Schools Athletic Foundation, Inc. (CESAFI) just ended last Saturday with the Sacred Heart School-Ateneo de Cebu Magis Eagles sweeping all eight rivals for an 8-0 win-loss record. They drew a bye along with the 6-2 University of San Carlos Baby Warriors. The other four who survived and will undergo into the quarterfinal round are no. 3 UC Junior Webs, no. 4 USJR Jaguars, no. 5 UV Baby Lancers and no. 6 USPF Baby Panthers. UC and USJR will enjoy a twice-to-beat advantage against USPF and UV, respectively.