EBA 1st Corporate Cup mosikad na DIHA SA USC
CEBU, Philippines - Mosikad na karong adlawa ang labing unang Corporate Cup sa Architects+Engineers Basketball Association diha sa University of San Carlos main gym.
Sa dili pa magsugod ang mga duwa, ipahigayon ang pormal nga seremonyas sa pagbukas sa alas-6 sa gabii. Gawas sa paghagpat sa best muse, ipahigayon sab ang pagpasidungog sa mga top players sa miaging 1st Davies Paints Cup.
Unom ka teams ang magsangka alang sa kampiyonato nga modagan og tulo ka bulan nga duwaon matag Sabado. Kini mao ang Davies Paints ug Cabinet Members, Inc. (CMI), nga gilangkuban og mga lisensiyadong architects, ang Dorma ug Fenestra Fabricators Co. nga mga mechanical engineers, ang Megabond Aluminum Cladding nga mga civil engineers ug Phoenix Building System Corp. nga pulos mga master plumbers.
Moduwa sila ubos sa double round robin format, diin ang top four moabante sa crossover semifinals. Ang top two makaangkon og twice-to-beat incentives. Ang mga mananaog magsangka dayon sa kampiyonato sa usa ka best-of-three series. Ang mga mananaog makadawat og tropeyo kortesiya sa Giardini Del Sole.
- Latest
