Forwarder’s Run gitakda sa Oktubre 4
CEBU, Philippines - Sa tuyo nga makatigom og salapi nga itabang sa usa sa ilang empleyado, ang Cebu Reliance Seafreight Forwarder Inc., mopasiugda og “Forwarder’s Run” sa Oktubre 4 diha sa Cebu Business Park.
Ang lumba nga gilangkuban sa 3K, 6K ug 12K categories, gimugna alang ni Mary Anne Tigbao, usa ka empleyado sa Cebu Reliance Seafreight Forwarder Inc. nga nakasugat og insidente sa kadalanan dihang nadumbolan og motorsiklo. Ang matigom nga salapi itabang ngadto ni Tigbao, kinsa mopaubos sa operasyon sa iyang ulo.
Dul-an sa 1,000 ka mga runners ang gipaabot nga modagan sa lumba.
Mga ganting salapi ug medalya ang madawat sa mananaog sa matag kategoriya.
Ang registration fee nagkantidad og P300 sa 3K, P350 sa 6K ug P450 sa 12K. Mahimong magparehistro didto sa CREST Forward Inc. sa Brgy. Mabolo, RUNNR sa Ayala Center-Cebu ug Cebu City Sports Center.
- Latest
