Warriors mohamag sa Jaguars

CEBU, Philippines - Mosuway karon sa pag-abante sa unang puwesto ang University 

of San Carlos Warriors sa dihang ilang sangkaon  ang University of San

Jose-Recoletos Jaguars sa 15th   Cebu Schools Athletic Foundation, Inc.

(CESAFI) men’s basketball tournament  karong gabii diha  sa Cebu Coliseum.

Sa  juniors   division, ang defending  champion  Sacred Heart 

School-Ateneo de Cebu Magis  Eagles  mosuway  sab  og  dagit  sa  ilang

ikalimang daog  batok  sa 1-1 USJ-R Baby Jaguars  sa  alas-5:15  sa hapon.

Ang Warriors ni coach Britt Reroma dili na buot nga masubli pa ang

matang sa ilang dinuwaan  diin naglisud sila  ug kinahanglan pa nilang

papason ang 20 puntos nga biya aron  mokulit og 83-75 batok sa Cebu

Institute of Technology-University Wildcats niadtong Martes.

Sa higayon nga modaog ang Warriors  batok sa Jaguars, makigtabla sila sa

liderato uban  sa University of the Visayas Green Lancers  nga adunay 4-0 

win-loss records.

Nakapabor hinuon ang Warriors batok sa Jaguars sa ilang match-up

tungod kay wala’y import ang USJ-R.

 Ang Warriors adto lang gihapon mosandig sa ilang  mga lokal nga naglakip

nilang Ian Tagapan, Nico Magat, Victor Rabat, Ian Ortega, Kiefer Lim ug

Charles Pepito.

Ang presensiya ni Cameroonian tower Shooster Olago ug Fil-

Australian William McAloney makahatag sab og hulga ngadto sa Jaguars.

Sa ilang bahin,  ang Jaguars  mosandig  sab nilang Kevin

Villafranca, Ralph Dinolan, Jaybie Mantilla, Mark Labares, Nelvin Navarra ug

Juan Miguel Gastador.

Sa laing bahin, pabor sa tanang departamento ang Magis Eagles kung itandi

sa Baby Jaguars tungod sa ilang gidak-on. (BANAT NEWS)