Pinoy Pride sa Amerika gilusad
CEBU, Philippines – Pormal nang gilusad sa ALA Promotions ang labing una niining Pinoy Pride event sa Amerika atol sa usa ka press conference sa miaging gabii didto sa Montebello Villa Hotel.
Matud pa ni ALA Promotions President ug CEO Michael P. Aldeguer nga naghinam-hinam sila nga naglantaw sa makasaysayanon nilang promosyon kay pipila nila ka tuig kini nila giplanohan uban sa ABS-CBN Sports ug karon lang kini natuman.
“This is something we’ve always planned out for the past years.
We really felt that this has to happen. This was just a dream that we’ve been thinking of and eveything will just fall into place on October 17,” matud pa ni Aldeguer.
Nagkanayon si Aldeguer nga ang ilang gibuhat dili lamang alang sa ALA kay kaayohan sa kinatibuk-an nga kalibotan sa boksing sa nasud ang iyang gilantaw nga makapahimos sa ambisyoso nilang lakang.
“This is the most difficult event we ever put up. The process of getting a US license alone is painstaking,” dugang pa ni Aldeguer. “But as what I've said, this is not just for ALA but for Philippine boxing in general as it gives the chance for all the Filipino fighters around the world to be showcased in the US. We will just have to do it little by little until it will grow by leaps and bounds over the years.”
Si two-division world champion Donnie ‘Ahas’ Nietes maoy mosalida sa main event sa gikahinaman nga “Pinoy Pride 33: Filipinos Conta Latinos” karong Oktubre 17 didto sa StubHub Center sa Carson City, California.
“Mapasalamaton kaayo ko nga miabot ning kahigayonan nga makaaway ko sa Amerika. Daku kaayo ni nga oportunidad para nako nga dili nako palabyon. Damgo gyud nako ni nga moaway didto ug excited na sab ko nga mapakita akong abilidad sa mga Pinoy didto sa US,” dason pa ni Nietes.
Gawas ni Nietes, mowadwad sab sa ilang abilidad ang managsuong ‘Prince’ Albert ug Jason ‘El Niño’ Pagara ug ingon man ang sumusulbong nga bitoon sa ALA Stable nga si Mark ‘Magnifico’ Magsayo. (BANAT NEWS)
- Latest
