Ricky Verdida mipilde sa Radisson Blu sa 5th CBBL
CEBU, Philippines - Sila si Jorge Taborada ug Arnel Ykot parehong miantog og 17 puntos aron mangu sa kadaugan sa Ricky Verdida batok sa Radisson Blu, 79-72 sa 5th Consolacion Barkadahan Basketball League (CBBL) tournament niadtong Huwebes didto sa Brgy. Pulpogan gym sa Consolacion, Cebu.
Laing naka-double figures alang sa Ricky Verdida mao sila si Julius Timkang ug Danilo Yaun nga miabuno’g 16 ug 11 puntos matag usa.
Sa gihapon, si Kenneth Abrantes mao na sab ang nangu sa Radisson Blu pinaagi sa iyang 21 puntos. Gisundan ni Eugelio Gocera sa iyang 20 puntos, samtang sila si Ronald Somosot ug Debalucos nagkumbinar og 21 puntos.
Sa laing duwa, ang Godwill nakaipsot batok sa PNP Basak, 75-64 ubos sa pagpangulo ni Erwin Armean, kinsa mipabuhagay og 20 puntos.
Sila si Jessel Gungob, Jun Hijapon ug Kim Tuaztumban pulos sab miiskor og double figures.
Ang PNP Basak gipangulohan ni Allan Bacus nga mipabuto’g 13 puntos, gisundan nilang Vincent Melabon ug Harry Ares nga nagkumboya’g 21 puntos. (BANAT NEWS)
PUNTOS MATAG USA
Unang duwa:
RICKY VERDIDA (79) – Taborada 17, Ykot 17, Timkang 16, Yaun 11, Frasco 6, Verdida 4, Pequiluez 4, Loyola 4.
RADISSON BLU (72) – Abrantes 21, Gocela 20, Somosot 11, Debalucos 10, Gonzalve 5, Umbaga 5.
Ikaduhang duwa:
GODWILL (75) – Armean 20, Gungob 18, Hijapon 16, Tuaztumban 10, Sequillo 6, Cuadra 5.
PNP BASAK (64) – Bacus 13, Melabon 11, H. Ares 10, Armamento 7, Eyas 6, Cubol 4, Bacalso 3, Villacarlos 2, T. Ares 2, R. Ares 2, Soringa 2.
- Latest
