Pinay’ng si Petecio abante sa Asian boxing finals

CEBU, Philippines - Human nakapahuway og usa ka adlaw, gibati og dugang kalagsik ang Pinay’ng boksidor nga si Nesty Petecio aron pag-angkon og luna sa finals sa ASBC Asian Women’s Championships sa miaging adlaw didto sa Wulanchabu, China.

 “Malakas siya at nakita ko na lugi ako sa dikitan kaya nilaro ko sa labas,” matud pa sa 23-anyos nga si Petecio human gibuntog ang Indian niyang kaatbang pinaagi sa ‘unanimous decision’.

Si Petecio, nga lumad gikan sa Sta. Cruz, Davao del Sur,  nidaog og silver medal  sa Singapore SEA Games dili pa lamang dugay ug ingon man sa Women’s World Championships didto sa Jeju, South Korea niadtong Nobiyembre sa miaging tuig. 

Tinguha ni Petecio nga langkaton ang bulawang medalya sa iyang pakigsangka batok ni Peamwilai Laopeam sa Thailand sa finals nga giduwa pa  sa pagsulat ning maong balita. (BANAT PALARO)