Bernaldez gi-knockout ni Tameda

CEBU, Philippines - Pakyas si Mark ‘Machete’ Bernaldez (15-1, 10KOs)  pagdepensa sa iyang limpiyong rekord human siya gipaundang ni Japanese Tyuyoshi Tameda (12-1.10KOs) sa ilang sangka sa miaging gabii didto sa Korakuen Hall sa Tokyo, Japan.

Si Tameda migamit sa iyang agresibong estilo  nga nakahatag og dakung problema ni Bernaldez.

Nakapaigo si Bernaldez og mga solidong counter-punches sa first ug second rounds, apan wala kini makamugna og dakung kadaot sa Japanese boxer.

Sa seventh round, ang Hapon  nga si Tameda nakapatama og mga kombinasyon nga nakapatumba  ni Bernaldez.

Nakabangon pa ang ALA boxer,  apan dali siyang gitiwasan ni Tameda nga nakapaaghat sa referee  paghunong sa away sa 2:21 sa ikapitong hugna.   (BANAT PALARO)