Barkada Team Rama nakaipsot batok sa Beba Squad
CEBU, Philippines - Mi-rally ang Barkada Rama Team/Raymond Garcia Team sa fourth quarter aron moiskor og daog batok sa BEBA (Barangay Ermita Basketball Association), 65-60 sa usa ka exhibition game niadtong Martes didto sa Brgy. Ermita Sports Complex.
Si kanhi Sirao councilor Roger Bontuyan maoy nangu sa makutas nga kadaugan pinaagi sa iyang 17 puntos. Gisuportahan sab siya ni Ermita barangay councilor Jun Ando nga miabuno’g 15 puntos ug kanhi Capitol Site councilor Jun Bantolinao nga miambit og 12 puntos.
Ang Barkada Team Rama/Raymond Garcia Team gibiyaan og otso puntos sa halftime, 33-25, apan milusad sila og makalisang nga rally sa final period aron makuha ang daog.
Sila lang si Junie Maranga ug Reynaldo Fajardo ang mihimo’g double figures alang sa BEBA sa ilang 17 ug 15 puntos.
Sa laing bahin, ang Barkada Team Rama/Raymond Garcia Team andam modawat og imbitasyon alang sa mga exhibition games. Tawag lang sa barangay affairs unit sa 253-7729 ug pangitaa si Andy Borres.
Puntos matag usa
Barkada Team Rama (65) – Bontuyan 17, Ando 15, Bantolinao 12, Miral 7, Avila 4, Borres 4, Godiz 2, Diluvio 2, Gimeno 2.
BEBA (60) – Maranga 17, Fajardo 15, Belda 6, Cabiguin 6, Matas 4, Yap 4, Lamastre 2, Rivera 2, Berrante 2, Sanchez 2. (BANAT NEWS)
- Latest
