Pacquiao-Khan fight mas exciting

MANILA, Philippines – Kung hindi man ma­ku­ha ni British star Amir Khan ang sagot ni Floyd May­weather, Jr. ay mala­ki naman ang tsansang ma­kasagupa niya si Manny Pac­quiao sa susunod na ta­on.

Isa na si dating world light welterweight at welterweight titlist Ricky Hatton sa mga umaasang mapaplantsa ito.

“It’s a good fight Amir Khan vs Manny Pacquiao – a chess match,” sabi ni Hat­ton sa panayam ng World Boxing News. “I think they would both try and use their speed and movement to win it."

Ang 36-anyos na si Pac­quiao at ang 28-an­yos na si Khan ay dating mag­kasama sa training sa ilalim ni chief trainer Freddie Roach.

Ilang beses na ring nagsanay sa Pilipinas ang Bri­ton kasabay ni Pacquiao.

“It’s good that Amir wants to fight the best and I believe that Pacquiao is still one of the best,” wika ni Hatton, pinatulog ni Pacquiao sa second round no­ong 2009.

Huling lumaban si Hatton noong 2012 kung saan si­ya pinabagsak ni Vya­cheslav Senchenko sa ninth round kasunod ang kan­yang pagreretiro.

Isa si Khan sa mga na­sa listahan ni Bob Arum ng Top Rank Promotions para itapat sa Filipino world eight-division champion bukod pa kay WBO light wel­terweight king Terrence Crawford.

Natalo si Pacquiao kay Floyd Mayweather, Jr. no­ong Mayo 2.