Fasiba daog sa Power 40
CEBU, Philippines – Nahiagom sa ilang ikaduhang sunod-sunod nga kapildihan ang Power Forty, ning higayona batok sa Fasiba, 86-103 sa Saint Augustine Cup 2015 Inter-ballclub basketball tournament niadtong Miyerkules sa gabii didto sa Inayawan Sports Complex.
Upat ka players ang mibugha’g double figures alang sa Fasiba pinangulohan ni Lito Cabellon sa iyang 29 puntos. Si Dodong Denora miamot og 18 puntos, gisundan ni Jun Denora sa iyang 11 puntos ug Ramil Cruz nga adunay 10 puntos.
Kontrolado sa Fasiba ang duwa gani sila ang modaog matag human sa kuwarter, gawas lang sa final period diin sila ug ang Power Forty parehong mirehistro og 27 puntos.
Nausik ang 37 puntos ni Robert Abasolo alang sa Power Forty kay nakabaton na sila og 2-2 win-loss record. Si Wewe Cabrera miamot og 18 puntos alang sa Power Forty ni coach Michael Arias ug sa assistants niining sila si Edwin Dejacto Sr. ug Dome Ozon.
Ang Power Forty ballclub suportado sa ilang presidente nga si Lando Almojallas ug ingon man nilang Atty. Flor Yosores, Vez Eleguin, Romy Rama, Chino Kalinga ug Bob Samson.
Ang torneyo nga gidumala ni league commissioner ug barangay councilor Insik Tibay inabagan sa iyang technical committee nga si Kenneth Montaña, usa sa mga highlights sa tinuig nga kapistahan sa mahal nga patron sa Inayawan, Saint Augustine karong Agosto 29.
Puntos Matag Usa
FASIBA (103) – Cabellon 29, D. Denora 18, J. Denora 11, Cruz 10, Quiobe 9, Yncierto 5, Azucenas 5, Atillo 4, Mark 4, Sagmon 3, Abajon 2, Monter 2, Azucenas 2.
POWER FORTY (86) – Abasolo 37, Cabrera 18, Veloso 8, Dequit 6, Capala 5, Mercado 4, Misa 4, Abarquez 2, Navares 2. (BANAT NEWS)
- Latest
