Ironman mosikad na

CEBU, Philippines - Miabot na usab ang panahon sa tuig diin hawanan sa Sugbo ang mga dagku ug mahinungdanon niining karsada aron paghatag og dalan sa 2,618 ka mga atleta gikan sa 53 ka nasud sa tibuok kalibotan alang sa Cobra Energy Drink IronMan 70.3 Philippines nga mosikad sayo karong buntag didto sa Shangri-La’s Mactan Resort and Spa sa dakbayan sa Lapu-Lapu.

Sila si Brent McMahon sa Canada ug Caroline Steffen sa Switzerland magsagubang og  bug-at nga tahas pagdepensa sa tagsa-tagsa nila ka korona gumikan kay gawas nga pulos mga lig-on,  daghan na sab ang mga PROs ang mosalmot sa karera lakip na si five-time world champion Craig Alexander sa Australia nga molumba sa nasud sa labing unang higayon.

Lain pang mga top contenders sa men’s division mao sila si Pete Jacobs, usa sab ka world champion,   Sam Betten, Cameron Brown, Luke McKenzie, Van Berkel, Tim Reed, Justin Granger, Clayton Fettel, Mitch Robins, Matt Franklin ug Wai Kit Lam.

Mohagit ni Steffen sa tinguha niini nga ma-grandslam sa women’s category mao sila si Beth Gerdes, Belinda Granger, Dimity Lee-Duke, Carole Fuchs, Kathryn Haesner ug Michelle Wu.  (BANAT NEWS)