Viloria daog batok sa Mexican nga si Sotto
CEBU, Philippines – Yanung gidispatsar ni former two-division Filipino world champion Brian ‘Hawaiian Punch’ Viloria (36-4, 21KOs) ang Mexican boxer nga si Omar Soto (23-12-2, 7KOs) pinaagi sa usa ka first round knockout kagahapon didto sa Florentine Gardens in Hollywood, California.
Ang 34-anyos nga si Viloria mipakita nga andam na siya alang sa laing world title fight diin suwayan niya nga makuha ang ikalima niyang world championship belt.
Sa taho sa boxingscene.com, si Viloria mipahagsa ni Soto sa makatulo ka higayun sa first round sa wala pa niya hingpit nga gipaundang ang Mehikano gamit ang usa ka left hook sa 2:02 sa opening bell.
Sa maong kadaugan, si Viloria posible nga makigsangka ni Nicaraguan champion Roman Gonzales sa Oktubre, apan bukas usab siya sa usa ka rematch batok Mexican Juan Francisco Estrada kinsa miilog sa iyang WBO ug WBA flyweight titles pinaagi sa split decision niadtong tuig 2013 sa Macau. (BANAT NEWS)
- Latest
