Cebuano netter misidlak sa Bahrain

CEBU, Philippines - Ang Sugbuanong tennis player nga si Jerico Bohol misakmit og usa ka kampiyonato ug usa sab ka runner-up finish didto sa Bahrain.
Ang 33rd SAC-SMC All-Cebu Sports Awards recipient nga si Bohol midaog sa super singles category sa FCGY Chairman’s Cup human niya gipukan ang laing Sugbuanon nga si Jess Espinosa, 6-3, 6-4.
Sa wala pa ang finals, gipilde ni Bohol sila si Fahyez nga taga Bahrain ug duha ka Pinoy nga sila si Jojo Fernandez ug Norman Abastilla. Sa semis, gipaluhod ni Bohol ang Sugbuanong si Dwight Alivio sa wala pa niya pildeha si Espinosa alang sa titulo.
Sa laing torneyo, si Bohol uban iyang pares nga si Abby Pelagio misakmit sa runner-up trophy sa Bahrain Tennis Federation open mixed doubles.
Pakyas silasi Bohol ug Pelagio pagkuha sa titulo human mapilde ni Abdullah sa Bahrain ug Areej sa Chinese-Taipei, 2-6, 2-4.  (BANAT NEWS)