5th hunat sugbu run gilusad

CEBU, Philippines - Ang mga nagduma sa Cebu Parklane International Hotel pormal nga milusad kagahapon sa ikalimang edisyon sa Hunat Sugbu-Dagan Para ni Maning nga gikatakda karong Hunyo 21 diha sa The Terraces sa Ayala Center-Cebu.

Matud pa ni Parklane General Manager Ces Manguilimutan nga ang ilang dagan karong tuiga magdala sa tema nga ‘Because I  Can’. Kini gumikan kay gusto nilang awhagon ang mga

Sugbuanon nga magabaton og usa ka mahinungdanong rason nganong sila midagan o dili ba kaha modagan alang sa usa ka kawsa.

Tipik sa kita sa maong tinuig nga kalihukan ilang igahin alang sa medical mission nga ilang pasiugdahan alang sa mga kabus nga pamilyang Sugbuanon.

Mga kategoriya nga kumbatihan sa maong karera naglangkob sa 3K, 6K, 12K ug 21K.

Ganting salapi ang iapud-apod ngadto sa mga mananaog matag kategoriya.  Sab-itan sab og medalya ang tanang finishers sa 12K ug 21K.

Ang rehistrasyon nagkantidad og P350 sa 3K, P450 sa 6K, P600 sa 12K ug P700 sa 21K.