Carbonera nanghawud sa Camotes
CEBU, Philippines – Gidominaran ni Roy Carbonera ang gipahigayung 10th Camotes Island Cross-country Mountainbike Challenge didto sa San Francisco, Camotes.
Si Carbonera maoy nanghawud sa combined junior-senior division batok ni Gino Basirgo, samtang si Warren Vinan misakiyo sa bronze medal.
Gitapos ni Carbonera ang lumba sud sa usa ka oras, 22 minutos ug 45.44 segundos, samtang si Basirgo nagsunod sa oras nga 1:22:47 ug si Vinan mirehistro og oras nga 1:56:50.
Sa iyang bahin, si Xterra pro Joseph Miller maoy midaog sa veterans class sa oras nga 1:15:14, gisundan ni Jun Duron (1:21:34) ug Roll Cabaluna (1:26:12).
Si Ramonito Espinosa maoy naghari sa masters division, Metchel Pilapil sa beginners class ug si Rommel Pilapel maoy nag-una sa executive race.
Labing kusug sa mga Camotes riders si Leonard Talimporos ug si Sixto Quiapo maoy misakmit sa korona sa golden division.
- Latest
