3rd Vendredi Ballclub Tournament sugdan ugmang adlawa

CEBU, Philippines - Nagpanikad na ang mga basketbolista nga mopakita’g aksiyon sa 3rd Vendredi Ballclub basketball tournament nga buksan ugma sa gabii diha sa Garden Bloom open court sa Pitogo, Consolacion.

Lima ka teams ang mosalmot sa nagkaugmad nga liga sa Vendredi Ballclub ug kini mao ang Kyu’s Cyberhauz ni team owner Kerwin Perez, Carkiena Restaurant ni Bryan ‘Lamay’ Burlaos, Geobert Merchandise ni Nonoy Sajot, Gabela ni Joel Pitogo ug C.C. Sons ni Marchin Rojas. Mosubay sila og single round robin format sa elimination diin ang top two teams maoy magsangkasa knockout finals.

Tumong ug tuyo sa maong liga mao nga aron magpabilin ug mas molambo pa ang maayong relasyon sa grupo ug ingon man ehersiyo alang sa kapiskay sa panglawas.

Ang maong liga gipaluyohan saGeobert Store, Shea’s Delicious Peanut ug Escorial’s newstand. (BANAT NEWS)