Tolenada bibinyagan ng Lady Blaze sa opening ng PSL All-Filipino Cup
Laro Ngayon
(Mall of Asia Arena,
Pasay City)
1:30 p.m. Opening
Ceremony
2:30 p.m. Cignal vs Foton
4:30 p.m. Philips Gold
vs Petron
MANILA, Philippines - Makikita ngayon kung ano ang buti ng pagpasok ng mahuhusay na manlalaro sa Petron sa pagharap sa Philips Gold sa pagsisimula ng Philippine SuperLiga All-Filipino Conference sa Mall of Asia Arena sa Pasay City.
Tampok na laro ito at magsisimula matapos ang unang pagkikita ng Cignal HD Spikers at Foton Tornadoes sa ganap na alas-2:30 ng hapon.
Sina PSL president Ramon “Tats” Suzara at chairman Philip Ella Juico ang mangunguna sa opening ceremony sa ganap na ala-1:30 ng hapon at paparada ang apat na koponang ito kasama ang Mane ‘N Tail Lady Stallions at Cignal HD Lady Spikers na kukumpleto sa anim na magtatagisan.
Pangungunahan pa rin ni Dindin Santiago, ang Petron na hawak ni coach George Pascua ay nakuha rin ang serbisyo nina Abigail Maraño at Rachel Ann Daquis bukod sa 5’8 Fil-Am na si Alexa Micek.
Bagitong koponan ang Philips Gold sa ligang inorganisa ng SportsCore katuwang ang Air21, My Phone, Via Mare, Mikasa, Mueller Sports Medicine, Healthway Medical, Generika Drugstore, LGR at Jinling Sports bilang technical partners at may ayuda pa ng TV5.
Pero hindi padadaig ang koponan sa ibang datihan tulad ng Petron dahil nasa koponan ang 5’8 Fil-Am setter na si Iris Tolenada.
- Latest
