4TH CBBL CAGEFEST sugdan karong domingo

CEBU, Philippines - Ang ikaupat nga season sa Consolacion Barkadahan Basketball League (CBBL) cagefest  gitakdang buksan karong Domingo, Marso 22 sa alas-7:30 sa gabii diha sa Barangay Pulpogan gym sa Consolacion.

Walo ka koponan ang mopakita’g aksiyon sa maong torneyo nga gibahin sa duha ka grupo  -- bracket A ug B.

Nagtapok sa bracket- A mao ang Radisson, Geobert Merchandise, Teachers ug Laay. Samtang sa bracket-B gilangkuban kini sa Gabela, Jetti Petroleum, Central ug ERM-Palawan

Ang torneyo mosubay og single round robin format diin ang top 2 sa matag bracket moduwa sa crossover semifinals. Ang modaog maoy mag-ilog sa kampiyonato.

Ang mga duwa  nga pagadumalaon ni league organizer ug commissioner Eduard Escorial gipaluyohan sa Erika’s Delight Bakeshop ug Pulpogan Motorparts. (BANAT PALARO)