Jaca nalup-og sa Japan

CEBU, Philippines – Nakatilaw na sab og laing pait nga kapildihan didto sa Japan si  kanhi world title challenger Jimrex Jaca human malup-og sa ikaupat nga round  batok ni kanhi Japanese lightweight champion Akihiro Kondo niadtong Lunes sa gabii didto sa Korakuen Hall sa Tokyo Japan.

Ang 31-anyos nga si Jaca midikta sa away sa sayong bahin sa away gamit iyang hait nga mga jabs ug hooks nga miigo sa nawong ni Kondo.

Apan ang agresibong Japanese boxer mipakita og kalig-on aron sagubangon ang mga ataki ni Jaca.

Tunga-tunga sa binayloay og kumo sa fourth round, si Kondo nakapaigo og solidong kumo ngadto ni Jaca, kinsa  nabarag sa wala pa niya tapusa ang away sa 2:45 sa maong round.

Sa maong kadaugan, si Kondo mipalambo sa iyang rekord nga 21-9-1, 10KOs, samtang si Jaca nakatagamtam sa iyang ikawalong pilde sud sa 50 ka away uban ang 22 ka knockouts. (BANAT NEWS