Referees seminar sa lawaan-3 sugdan na
CEBU, Philippines - Sugdan na karon ang duha ka adlaw nga basketball referees seminar didto sa Barangay Lawaan-3 Sports Complex, Talisay City.
Gipasiugdahan sa Barangay Lawaan-3 ubos sa liderato ni Brgy. Capt. Delia Ybañez inabagan sa iyang mga konsehales nga silang Jimmy Bartilik, Patra Barliso, Emerciana Palange, Socrates Echavez, Erick Richard Rabadon ug ang chairman sa committee on sports konsehal Bimbo Ramos, ang duha ka adlaw nga kalihukan magsugod sa alas-8 sa buntag hangtod sa alas-4 sa hapon.
Ang tinuyong kalihukan gisuportahan sab sa Cebu Basketball Referee Association (CEBRA) ubos sa ilang presidente nga si Ed Aguelo ug ni CESAFI 1997 MICAA best referee Edwin Dejacto.
Niadtong interesadong mosalmot, mahimong motawag o text ni CESAFI referee ug konsehal Julius Labalan sa 09339524431.
Ang duha ka adlaw nga referee seminar/workshop pagadumalaon sab nila ni CESAFI senior referee Edwin Dejacto ug Ed Aguelo.
- Latest
