Playoff slots tuyo sa Rain or Shine ug Meralco
CEBU, Philippines - Suwayan sa Rain or Shine Elasto Painters ug Meralco Bolts nga mosulod sa playoffs sa ilang duwa batok sa tagsa-tagsa nila ka mga kaatbang sa PBA Commissioner’s Cup karong gabii didto sa Smart Araneta Coliseum.
Ang Meralco makigharong sa Barako Bull Energy sa alas-4 sa hapon ug sundan sa duwa tali sa Rain or Shine batok sa San Miguel Beermen.
Ang Painters (5-2) tinguha nga moinat sa ilang winning-streak ngadto sa upat ug laraw na sab nila nga mobiktima ang Beermen (2-6) nga naningkamot sab nga moabante sa playoffs.
Ang kadaugan sa Rain or Shine motukmod kanila sa unang dapit uban sa Talk N’ Text Tropang Texters nga pulos adunay parehong 6-2 records.
Sa ilang bahin, ang Meralco nga adunay 5-2 baraha, nag-atubang og mas lisud nga hagit batok sa lig-on nga Barako Bull Energy Cola (4-4).
Atngan ang match-up sa duha ka imports nga sila si Josh Davis sa Meralco ug Solomon Alabin sa Barako Bull. (BANAT PALARO)
- Latest
