SWU Dentistry milaro sa korona
CEBU, Philippines - Gipilde sa mas batan-on nga Southwestern University (SWU) Dentistry students ang mga beteranong Sugbo Dens Thunder-CDS1 ni playing coach Boy Te, 61-54 aron sakmiton ang titulo sa Cebu Dental Society atol sa tinuig nga National Dental Health basketball tournament niadtong Martes sa Cebu Coliseum.
Wala matarog ang mga batan-ong dentistry students sa SWU bisan pa sa solido nga depensa nga gihimo sa Thunder.
Ang unom ka sagunson nga free throws ni Jarred Macasabog sa daginutong oras maoy nakasalbar sa SWU ug mao sab ang topscorer sa iyang 25 puntos.
Ang Thunder-CDS1 sa laing bahin, gipangulohan ni Genaro Borces sa iyang 22 puntos,si Dante Bercede Jr. miamot og 20 puntos.
Miabante sa finals ang SWU dihang ilang gipalagpot ang CDU Warriors, samtang ang Thunder-CDS1 mipalagpot sab sa defending champion Techdent-CDS2 nga gipangulohan ni kanhi SWU Cobras JRoss Ceniza. Ang CDU Warriors mipilde sa Techdent, 59-57 sa ilang sangka alang sa ikatulong puwesto.
Si Dr. Ryan Jay Bacaro mao ang tournament chairman karong tuiga. (BANAT NEWS)
Puntos matag usa
Unang duwa:
CDU Warriors (59) – Capahi 24, Go 6, Zambrano 3, Innoi 3, Samoya 2, Soler 2, Gaane 2.
Techdent-CDS2 (57) – Ceniza 22, Seroy 17, Evardo 7, Arcilla 6, Cabogoy 4.
Ikaduhang duwa:
SWU (61) – Macasabog 25, Magallanes 8, Tampos 7, Nadela 7, Ruiz 4, Cruzado 2, Notarte 2, Micayabas 2, Satorre 2.
Thunder-CDS1 (54) – Borces 22, Bercede Jr. 20, Nelo 6, Fenilla 3, Nadela 2, Avila 1.
- Latest
