Muñoz napukan na usab
Mihanap ang damgo ni Fil-American fighter Mark ‘Filipino Wrecking Machine’ Muñoz nga moaway sa UFC Manila fight card sa Mayo human siya mapilde kagahapon sa UFC 184 didto sa Las Vegas.
Si Muñoz nakahiagum sa ikatulong sunod-sunod niyang pilde human siya gipatug ni Brazilian Roan Carneiro pinaagi sa usa ka rear naked choke.
Blakely isip practice player
Mubalik si kanhi PBA import Marqus Blakely sa Purefoods Star Hotshots dili isip usa ka import, apan isip usa ka practice player.
Si Blakely sayung mouban sa training sa Star Hotshots diin daku og posibilidad nga siya ang himuong import sa koponan sa sunod conference.
Gisuspenso kay nanuok
Gisuspenso og usa ka duwa sa NBA si Golden State Warriors center Festus Ezeli human kini manuok ni Toronto Raptors forward Tyler Hansbrough atol sa ilang duwa niadtong miaging semana.
Si Ezeli gipalagpot dayun sa playing court human ang maong insidente nga diriyot na mimugna og lamok-lamok tali sa duha ka koponan. (BANAT NEWS)
- Latest
