Dating Knicks player na si Mason namatay
NEW YORK – Ang laro ni Anthony Mason ay base sa kanyang tiyaga at lakas.
At ito ang istilong nababagay para sa New York Knicks noong 1990s kung saan hinangaan at minahal ang nasabing rugged forward ng kanyang mga teammates at fans.
Namatay si Mason noong Sabado sa edad na 48-anyos.
Sinabi ng kanyang dating teammate na si Patrick Ewing na ang kanyang ‘’heart is heavy’’ matapos malaman ang pagkamatay ni Mason bunga ng atake sa puso.
“Mase came to play every night and was always ready to go to battle with me every time we stepped on the court together,” sabi ni Ewing sa isang statement. “I will remember him for his strength, determination and perseverance.”
Si Mason ay isang defensive force na naglaro para sa anim na NBA teams mula 1989-2003.
Isa rin siyang popular protector ng mga superstars kagaya ni Ewing.
“Mase was one of the toughest competitors of his era,” sabi ni Chicago Bulls’ superstar Michael Jordan kay Mason.
Ang 6-foot-7 na si Mason ay ang 1995 Sixth Man of the Year habang naglalaro sa Knicks at napabilang din sa All-Star team.
Nakatulong niya sa depensa si Charles Oakley at pinangalagaan ang kanilang franchise center na si Ewing.
Nagtala si Mason ng mga career averages na 10.9 points at 8.3 rebounds.
- Latest
