NLEX daog sa Blackwater
CEBU, Philippines – Giputol na sa NLEX Road Warriors ang ilang losing streak pinaagi sa pagpilde sa Blackwater Elite, 106-79 sa PBA Commissioner’s Cup kagahapon didto sa Smart Araneta Coliseum.
Human sa tulo ka sunod-sunod nilang pilde, ang NLEX misakmit sa labing una nilang daog sa conference nga mipasaka pagbalik sa kompiyansa sa ilang mga players.
Ang ex-NBA cager nga si Al Thornton nagbangis diin mikamada siya’g 24 puntos sa first half aron tabangan ang Road Warriors og 55-27 nga labaw.
Ang NLEX miinat sa ilang labaw ngadto sa 35 puntos, 84-49 sa nahibiling 23 segundos sa third period.
Si Thornton mirehistro og game-high 39 puntos aron maoy mangu sa NLEX, samtang sila si Niño Canaleta, Jonas Villanueva ug Rudy Lingganay miamot og nuybe puntos matag usa.
Si Bryan Faundo miiskor og 17 puntos, samtang ang import nga si Marcus Douthit mihipos og 15 puntos alang sa napildeng Blackwater. (BANAT NEWS)
- Latest
