Beermen-Aces ‘rematch’
CEBU, Philippines – Mag-abot na sab ang finalists sa All-Filipino Cup San Miguel Beermen ug Alaska Aces alang sa labing una nilang panagharong sa Commissioner’s Cup karong gabii didto sa Smart Araneta Coliseum.
Ang ‘rematch’ sa duha ka magkaribal sugdan sa alas-7 sa gabii, human sa duwa tali sa NLEX Road Warriors ug Blackwater Elite nga sugdan sa alas-5 sa hapon.
Hinuon, lahi sa ilang kalampusan sa miaging conference, ang Beermen ug Aces pulos naglisud karon sa Commissioner’s Cup.
Ang San Miguel nakatilaw na sa ikatulo ug makauuwaw nila nga kapildihan sa kamot sa mas huyang nga Blackwater ,80-77.
Sa ilang bahin, ang Alaska nagpangita sa ikaduha nilang daog sa upat ka duwa human sila gilubong sa GlobalPort Batang Pier, 95-73 sa miaging semana.
Ang Alaska maningkamot nga modaog agi’g panimalos sa San Miguel, kinsa mipilde kanila sa miaging Philippine Cup finals nga miabot sa Game-7. (BANAT NEWS)
- Latest
