Talk ‘N Text misumpo sa Barako Bull
CEBU, Philippines - Gipakgang sa Talk ‘N Text Tropang Texters ang winning streak sa Barako Bull Energy Cola pinaagi sa pag-iskor og daog, 80-75 kagabii sa PBA Commissioner’s Cup didto sa Smart Araneta Coliseum.
Giusikan sa Texters ang ilang 10 puntos nga labaw sa halftime, apan sila gihapon ang nagkontrolar sa duwa tungod sa maayong labok nila ni Jayson Castro ug Larry Fonacier. Ang ilang import nga si Richard Howell mipupo’g 11 puntos uban ang 18 ka rebounds alang sa Texters.
Nakawang lang ang gihimong 21 puntos ug 23 ka rebounds ni kanhi NBA center Sol Alabi kay wala kaayo siya makadawat og igong suporta gikan sa mga lokal nga magduduwa sa Barako.
Sa laing bahin, ang Purefoods Star Hotshots tinguha nga morehistro og 5-0 nga record sa ilang pakigharong sa Rain or Shine Elasto Painters karong alas-5 sa hapon didto sa Dipolog City.
- Latest
